大嘴食館(西朗店)
地址：荔灣區西朗麥村北約55號101室(近西朗地鐵總站)
電話：020-81510998、020-33889268
人均：40元起
搵食推介：招牌百花雞、泉水浸鯇魚
搵食辣評：
環境一般般，菜式一般20餘蚊左右，味道唔差。招牌百花雞 38元/只，皮爽肉滑雞味足，物超所值；泉水浸鯇魚 13·8元/條，魚嫩鮮味，咁樣的價錢買條魚都難買；灌湯鱗魚球 28元/例，香脆可口，一咬鮮湯隨口而出，鮮味美味；紅蔥頭淋木耳 18元/例，蔥香木耳爽，有益又健康；大盤粗菜 23元/例，時令三寶苦瓜、豆角、茄瓜一齊炒，清涼適時；冬瓜鴨骨煲 23元/煲，清湯鮮美，盛夏消暑佳品；香煎生肉包 16元/打，焦黃的煎包鮮脆可口，多吃不厭；白飯5碗外帶紙巾1包，埋單210元。雖然略爲偏僻，交通都很方便，食客不少。
竹溪酒家(龍溪大道店)
地址：荔灣區龍溪大道增南路298號
電話：020-81414398、020-81414298
人均：50元起
搵食推介：馳名燒鵝
搵食辣評：
竹溪總店地方超大，環境尚可，人多相對嘈雜D，菜價實惠，味道幾好。馳名燒鵝 19.8元/例，皮脆肉嫩骨都有味；煎釀三寶、釀豆角、燒雞、豬手都是20餘蚊多D，唔貴平、靚、正，唯一缺點，相對離市區遠D。
萬豐菜館
地址：荔灣區芳村花地灣鴻雁路20號(近花蕾路)
電話：020-81529070
人均：30元起
搵食推介：蓮藕煲、香煎包
搵食辣評：
大排檔食肆，環境很土根，前廳是普通的大堂，後面是簡單整飾成園林式大廳和若干房間，衛生尚可，味道還可。最實際是價錢平抵食，適合普羅大衆，20—30元左右/菜，味道一直都穩定，不少食客專門從市區過來相聚開飯局。蓮藕煲的蓮藕好粉香甜，土豬肉好靚爽甘香，湯好鮮味；香煎包是萬豐的招牌主食，好多人都點，本身包不錯煎得皮脆不油膩，如未吃過的值得一試。隨便一餐埋單不到40元，雖然今天我們吃得少些，但真是抵吃。
上渡食家(花地大道北店)
地址：荔灣區花地大道北25號(近地鐵一號線芳村站A2出口)
電話：020-81696692、020-81696693
人均：35元起
搵食推介：招牌白切杏花雞、清蒸大鯇魚
搵食辣評：
以前去過上渡路總店多次感覺幾好，出品質量比較穩定。今晚六點鐘左右途經芳村順到上渡食家（花地大道北店）吃飯。入店內地下很旺已滿座，只好上二樓找間大房開茶三位（二樓全部是大、小房間若間），看看菜譜和總店基本一樣，熟門熟路點了三個菜；招牌白切杏花雞半隻，清蒸大鯇魚一尾，銅盤**菜一盤，四碗白飯。招牌白切杏花雞有雞味不錯；清蒸大鯇魚火候適中不溫不火味夠鮮味；銅盤**菜份量足搭配好又健康兼環保；吃飽喝夠一埋單82元真是平夾抵又好味如同總店差不多一樣，老友不相信以爲計錯數，我們總算無跌眼鏡。芳村食市多，味道各不同；上渡食家好，位置便交通；價廉出品靚，吃客都贊同。
